انتشار هليوس- ايل كرونوس بيدلّ ع انو هوي اله لبناني مش يوناني (تابع). منلاقي هليوس معبود باليونان: (البيلوبونيز): بـ اليس وتريزين وارغوس وميغابوليس، وكورنتيا. وتكرّم كمان بجرنانيا والمجر ورومانيا وبشمالي شماليي كتيري منها جزيرة زيلند. وتكرم كمان بغاليا ( بحوض الرون) واكتر كمان باسبانيا وافريقيا الكر تاجيي.
وايل هليوس هوي كمان ميترا.
ضلوا العلما لمدي طويلي يظنو انو ميترا هوّي إله خلاص ببلاد الفرس ت وضّحت الاكتشافات الاركيولوجيي وجهة نظر تاني بتفيد انو ميترا كان اله مشترك بين كل البلدان الشرقيي، وانو كان من آلهة العالم الفينيقي. ولقيو آسار الو بصيدون ورواد وبالمنطقا اللي سكنا شعب الميتاني ع ضفّتين الفرات ع الاقل من الالف التالت قبل المسيح جاي. وبيشوفو العارفين انو تأسير الميتانيّين وجيرانن ع بلاد الفرس كان غميق لحدّ خلّى الرومان يعتبرو انو موطن ميترا كان ضفتين الفرات، خصوصن لانو هـ الاله نعبد بشتّى نواحي الشرق متلما بكرتاجا والعالم الكرتاجي.
كمان عتبرو ميترا اله النور السماوي، ومن البدايي دمجوه بالاله- الشمس شفش أو شمش متلما ندمجت الإلها أناهيتا بعشتار- فينوس والاله بعل بالاله أهورا- مزدا متلما نعبدو أتيس وسيبيل بآسيا الزغيري واوزيريس وايزيس بمصر. وايزيس متلما هيّي عشتار واوزيريس يمكن يكون شفش ابن ايل أو خيّ ايل. واكيد انو دراسي مفصلي لانتشار عبادة هليوس- ميترا واسرارو بالعالم، بيتبينلنا انو في تشابك كلي بين الالهين هليوس وميترا.
عبادة هليوس- ايل نطلقت من لبنان للشرق ومن الشرق للعالم
دراسي دقيقا لمراكز عبادة هليوس وتواريخ نشئتا بشتى مناطق العالم بتفيد انو هـ
العبادي نطلقت من لبنان للشرق، ومن الشرق الادنى للشرق للشرق الاقصى، وبعدين من جزر البحر المتوسط لكل المناطق الاوروبيي. والعكس مش صحيح. وما في مجال لزكر كل الاحداس اللي ساهمت بنشر عبادتو بالعالم انطلاقن من لبنان والشرق المتلبنن. رح نكتفي بالقول انو معظم الكتّاب القدما بيعتبرو انو منطلق هيليوس ومركز سكنو كان من الشرق "بمنطقا ورا بحر إريتري" مطرح ما كان يعيش مع مرتو وولادو. ودرسو المأرخين أسطورة هليوس وإبنو فايتون اللي دمجوه مع نجمة الصبح فوسفوروس وأكدو معظمن أنا هـ الاسطورا زات جزور شرقيي وانو مرسحا هوي "بلاد شروق الشمس".
وبعد الغزو الروماني للشرق، نطبعت كل نواحي الامبراطوريي بالعقايد والعبادات الفينيقيي. ولقيو الاركيلوجيي بكترا المكتوبات- التقادم لـ "الالها الشمسيي الشرقيي" أغلبا بتعود للقرن التاني، منا بإيطاليا (وخصوصن روما "اللي عطت كميّي هايلي من هـ المكتوبات، وهيك القول عن داسيا وبانونيا وريتيا، وعن بريطانيا وعن غاليا (مطرح ما "ضلّ حوض الرون منفتح قدام التأسيرات التجاريي الشرقيي لمدة قرون") وخصوصن عن جرناميا واسبانيا. هيدا تما نحكي عن افريقيا اللي ضلّت لبعد الغزو الروماني مكرتجا مفينقا.
وبيخبّرنا تأسيت انو جنو الرومان، ع اسر معركة بدرياكوم (69 مسيحي)، القو التحيي حسب الطريقا الفينيقيي. ودرسو علما الفن والمأرخين الآسار الفنيّي العديدي متل الهياكل وغيرا بكل المناطق الاوروبيي، واكدوا انو الكتير منا مستلهم من الفن الشرقي ( الفينيقي) وآلهة الشرق (بعل، وملك- بعل، الخ). ولاحظو انو نعوت الالها هيي كمان مستوردي من الشرق الفينيقي. متلن عبارات "وصول سانكتيسيموس" (وصول الفايق القداسي)، و "صول ديفينوس" (وصول الالهي) و "صول إترنوم" (صول السرمدي) هيي صلوات صوريي فينيقيي. وهيك القول عن "صول انفكتوس" (صول الما بينغلب): لا حظو اركيولوجيي انو بعليم فينيقيا بينعتون بالمكتوبات بكلمة "انفكتوس".
بهـ الكلمات ننعتو ميترا وايليغابال (اله الجبل) وملكبعل وسيرابيس... فإزن هـ النعوت، ومنا خصوصن نعت انفكتوس كانو يطلقوا ع كل الالها الشمسين أو الهليّين.
التئسير الفينيقي بأوروبا كان شامل وغميق
وتفسير كل هيدا انو التئسير الفينيقي بأوروبا ما كان تئسير موقت أو محلي. بالعكس كان تئسير شامل وغميق، زادو فعاليي تربع اناطرا لبنانيي ع عرش روما اعظمن كان الكسندر سفير: وسعيو الاباطرا اللبنانيي لادخال الافكار والعقايد الفينيقيي لروما. منن كان اله الجبل اللي حاول سنة 218 انو يعمل بعل حمص اله اليانتيون الروماني الاعظم. صحيح انو ما قدر، بسر أسرّ بالاباطرا اللي خلفوه ومنن كلود الغوطي وغاليان. بس أوريليان "ستلهم أول تنظيمو لدياني عالميي" الدياني اللي كانو يعلّموا بالهياكل الفينيقيي، ومتل عليا ديانة عاصمة زنزبيا ملكة تدمر.
وهيك ع اسر انتصارو ع زنزبيا عمر اوريليان بروما، بساحة المريخ (شان دي مارس) هيكل ع اسم الاله الشمس (هليوس)، وبيأكّدو العارفين انو نقل تصميم هـ الهيكل عن هياكل بعلبك. وتممو الاباطرا اللي خلفو اوريليان مراسم عبادة هليوس وصكو العملي ع اسمو. ومتلو نعتو نفسن بنعوت عايدي لهيليوس، وعملو من عبادة هليوس مركز كل العبادات. وهيك نشأ حول هـ العبادات لاهوت علمي ع كون هليوس- شمس مش بس اله الكون الاكبر، كمان مركز العالم اللي بتدور حولو باقي الكواكب. ومن هون الحدس بنظريات الدوران العالمي. وانطلاقن من اللاهوت الفينيقي نتشر البانتيون الاسترولوجس بالعالم اللاتيني بالقرون الأولّي للمسيح.
