أهم هـ الشخصيات الاوغاريتيي ندرست مفصّلن بجريدة "لبنان". ما في لزوم نرجع ليا. كل شي رح نعملو بهـ الفصل هو انا نزكّر بوجودا بالملاحم ونتطلّع ليا بعين الشاعر الأوغاريتيي، ونعطي بعض المعلومات المختصرا والجديدي عنا بقصد نرمي ضو ع عدة نواحي مهمي من شخصياتا وع علاقتا بلبنان، وهادا حسب ما بتوضّحلنا ياه عنّا الملاحم الاوغاريتييّ. كمان رح نتوقف فترا قصيري عند بعض الشخصيات البتورد بالملاحم مرفقا بشخصيات ما درسناها بعد.
القاضي نهر والاله يم الاوغاريتيي شخصيتين مش شخصيي واحدي.
بعدا لفظة يم بلغات الشرق الادنى بتعني البحر. والحقيقا انو يم عتبروه من اول التاريخ إله البحر، والحقيقا انو يم عتبروه من اول التاريخ إله البحر. وبملاحم اوغاريت بيخلط الشاعر الملك الشبيني بين يم والقاضي (ش ف ت) نهر.
لمن عالجنا هـ الموضوع قلنا انا منفضّل نعتبر نهر ويم شخصيتين مألهين متميزين الواحدي عن التاني، وهادا تتكون نفرزت وترجمت مكتوبات ابيلا الل رح تفصل بهـ الامر.
ت تنفرز هـ المكتوبات، رح نضل نستند بتأريخنا بالاخص للملاحم الاوغاريتيي ولنصوص سنخوني اتن. وبملاحم أوغاريت منشوف بين الشخصيات البارزي شخصية البطل المألّه القاضي نهر- يم اللي زكرنا كمان بدراستنا عنو، شو بتقول فيه الاساطير اليونانيي والورمانيي اللي بتسميه نيري (ونيري تحريف لـ كلمة نهر) مثل م بتسمي يم يونتوس. ملاحظا هامي لازم تتسجّل: كانو القدما يعتبرو التنّين رمز لـ يم. وكانت معارك الآلها والابطال (منن مار جريس) مع تنيّن بحري او مع "رهب"، معروفي بشكل أسطورا تناقلتا متل غيرا من أٍساطيرنا أكتر الاداب القديمي. بسومر متلن منشوف وصف لمعركي بين نونورتا ووحش اسمو ازاج. وبملحمة الخليقا البابليي المعروفي بـ"أنوما الش" وصف لمعركي وقعت بين مردوك وتيامات "تنّين البحر". وبالاساطير اليونانيي زوش بيحارب تيفون (وتيفون أو دراغون أو أورونت بيمسّلأ التنين) بالميتولوجيا المصريي بيوقع صراع بين رع (الاله الشمس اللي صرنا نعرف انو ايل) والتنّين "عفف"، وبين هورس وست. وكان ع هورس انو يقتل وحش مائي قبلما يستولي ع العرش ويوحّد مصر الفوقا والتحتا.
والاهم انا منلاقي لهـ الاساطير اصداء هامي بالتورات، محل م بيئمر يهوا البحر تما يتعدى الرمل. وبيزمرو لـ يم بـ لوياتان (ل ت ن) الحيّي البتتلوى والا سبع روس، متل ما بيرمز ليه التنين (ت ن ن) الل كان على البعل انو يقهرو تيتسلم الملك ويوطّد النظام. وبيورد بسفر أيوب زكر لتمرّد البحر و"رهب" والتنّين متلما بيورد وصف لـ لوياتان. وبيقول صاحب المزامير: "انت شقفت البحر (يم) بقوتك، وكسرت روس التنانين بالمي. انت رضرضت روس لوياتان، عملت منو طعام للشعب ولأهل البريي". وبيقول أشعيا: "بهداك اليوم الرب بيقاصص بسيفو القاسي العظيم والشديد، لوياتان الحيّي الهرباني (...) وبيقتل التنين اللي بالبحر". هـ النصوص ازا هيي دلّت ع شي بتدل ع مدى تأسر العبران بالادب. والفكر والدياني الكنعانيي- الفينيقيي. ومهم نزكر انو يم هو بالملاحم الاوغاريتيي يهوه بزاتو وانو ابن الملك ايل. هـ الامر برهنوه عدة علما. متلما عمنبرهنو بمألفنا "لبنان وطن الله".
ومن ألقاب يم: الشافط (شفط) يعني القاضي. وبدراستنا عن يم- نهر قلنا انو يمكن يكون هو وابنو نهر أول قضاة بالعالم.
2- موت، اللي هو بلوتو وهادس اليونان، هو ابن ايل الجبيلي وملك الموت.
القلناه عن يم- نهر القاضي، منقولو عن موت ابن ايل: انو من الشخصيات البارزي بملحمة البعل وعنت. عالجنا موضوعو بجريدة "لبنان". لهيك رح نكتفي هون بانا نقول عن موت انو هو بملاحم أوغاريت متلو بنصوص سنخوني اتن، واحد من ولاد ايل. وانو من الشخصيات المألها. وكان يخوض معارك تيفوز بالسلطا بعد ايل. وكانو ابرز منافسينو البعل ويم. والبهل هو اللي نتصر عليه وع يم وبيظهر انو مات بكّير وتألّه دغري بعد موتو. ونعرف موت او بلوتو بعدين، بانو إله الموت والعالم التحتاني المظلم البارد. وتسمّى الموت بإسمو.
بعض العلما ستغربو انو يكون لقبو بالملاحم "م دد. ال" او "ي دد.ال"، باعتبار انو الكلمي هيي من "ود" الل تنعني الحبيب. نحن ما ستغربنا. واضح عند سنخوني اتن انو موت ابن ايل من رحية مات بكير وانو بيّو ايل ألّهو لما مات. ملاحظا أخيرا: يمكن يكون نهر الموت البيصب بشمالي بيروت حامل اسم هـ البطل المأله.
3- عشتروت- اشيرت وابنا عشتر هن كمان من أبطال الملاحم الاوغاريتيي.
-عن عشتروت: عتبرو بعض العلما الاوغاريتيي انو اسم عشتروت هو مونّس عشتر وانو هـ الاسم بيختلف عن اسم اشيرة وعشتر وانو هـ الاسامي التلاتي (ع ش ت ر ت)، و (أ ش ر ت) و(ع ش ت ر) هيي لآلها تلاتي: نحنا مش من هـ الرأي، وخصوصن انو نصوص مأرخنا الرصين سنخوني اتن ما بتزكر بهـ الاسم الا عشتروت. ع كل حال، ازا كان عشتر هو عن صحيح إله متميز عن عشتروت، (وهيدا المبين من الملاحم الاوغاريتيي اللي مرات كتيري رتكب كاتبا هفوات- زكرنا منا دمجو لشخصيتين هنّي يم ونهر، الخ. بسبب بعدو عن المنابع) برأينا انو عشتروت واشيرا او أشيرة البحر هن إلها واحدي. وما منتعجب طالما انو الابطال اللبنانيي الفينيقيي نعرفو بعدة اسامي.
