كل هـ الاقوال وغيرا من الل قالوا الاغريق وكل الكتاب القدما براهين صارخا ع انو أتينا- عنت هي فينيقيي. هـ الشي عرفو مأرخين لبنان الكبار، حتى قبل اكتشاف النصوص الاوغاريتيي، باستنادن من جها للنصوص التاريخيي ومن جها تاني لدراسة أسامي العلم (أنوماستيك) والمكتوبات الفينيقيي المنوّعا الل كتشفوا بالعالم. وكتب المأرخ مارتن بـ "تاريخ لبنان" بهـ المعنى: "برسفونا وأتينا هن ظاهريّن أغريق بس تحت هـ المظهر الهليني (...) مخبّايي أسامي بتدل ع التأسير الفينيقي الكبير ع اليونان وع باقي المناطق. ومن واجبنا انو نقرّ بأنو هـ الاسامي فينيقيي. وعطت المكتوبات اسامي الهتين هن بدون شك أسمين لإلها واحدي: تانيت (ت ن ت) الل ترجموا اليونان بـ تاناييس أو أرتميس، وهـ الاسم ازا نزادت عليه الادارة الفينيقيي بيعطي اسم اتينا. بس الاسم التاني هو اسم عنت (...) أو أنايتيس اللي هي كمان أتينا".
هـ الشي فهوه مأرخين كتار منن "دل مدكو" الل حلّل الملاحم الاوغاريتيي وكتب بمقال تحت عنوان "أتينا" : "بظل الالها عنت، بيبرز وج الالها صاحبه الخوري أتينا". وكتب بيار هوباك هو عميردد أقوال لـ ماسيرور: "كان للوجود الفينيقيي بين شعوب اليونان البدائيي، تخسير كبير ع طبعن ودينن، وبلشو العلما يفتشو عن أسارو بعد ما نكرو هـ الشي مدّي طويلي".
وبالآخر منقدر نستشهد بغيرن من القدما والمحدسين، وكمان منقدر نجمع بعد عشرات النصوص والشواهد البتقول انو أتينا فينيقيي مش يونايي. ع كل حال، نحن وعمنتبّع آسار أتينا بالمدن اليونانيي ومدن حوض المتوسط، عمنلاقي حالنا قدام دلايل كتيري بتأكد نظرتنا لهـ الشي، بس البيهمنا، هون، هو انو نعرف مدى انتشار عبادة عنت- أتينا بالعالم، لانو معرفة هـ الشي بتدّلنا من جها ع مدى وسع الامبراطوريي الفينيقيي، ومن جها تاني ع مكانة الالها عنت اتينا بين الالها. منين منبلش؟ من مقاطعة الاتيك الل تعينت اتينا ملكي عليا ع ايام بيّا الملك ايل، يعني بأول الالف التالت، وعطت اسما لمقاطعة أتينا؟ أو من بيوسي الل عمّر فيت قدموس معبد ومدبح لاتينا، وبعدين رجع علّمن عن جديد لاهالي المدن اليونانيي الل عمّرا او فتحا عبادة أهلو الفينيقيي؟ الافضل يمكن انّا نبلّش بـ الأتيك لانا مملكتا، مع العلم انو من الارجح انو عبادتا فيا كانت زالت بين بداية الالف التالت ومنتصف الالف التاني لوقت ما اجا قدموس ورجع عبادتا من تيبا الل عمرا بالبيوسي.
عبادة أتينا مجزرا بالأتيك، من وقت الل قتطع الملك ايل الأتيك لـ بنتو عنت- أتينا لتكون ملكي عليا.
منعرف من سنخوني أتن انو الاتيك كانت المملكي الل هداها الملك ايل لـ بنتو أتينا- مينيرفا تتكون ملكي عليا، وانو هـ الشي صار بـ بداية الالف التالت. ترى الناس تناسوه مع الوقت؟ ما منعرف، بس منعرف انو الاتيك تأسّ{ت بالبيوسي والاوبي بعد الفتوحات القدموسي والاوبي بعد الفتوحات القدموسيي وتشابكت أساطير المقاطعات التلاتي هك البتفرجينا أتينا مع آلها رفاق منعرفن فينيقيي. وأشهر هـ الاساطير هيدي الل بتخلي أتينا وبوصيدون والبعض بيقولو أرس- مارس بتنازعو. حكم الاتيك، ولربح السلطا كان ع كل واحد منن أنو يقوم بعمل مجيد. شو عمل بو صيدون؟ شك شوكتو "التريدان" بالارض وهيك تفجّر نبع مي مالحا. بس أتينا زرعت حربتا ورأسن نبتت شجرة ريتون بهييّ، وفضّلو عملا ع عمل بو صيدون. وكانت زراعة الزيتون متلما فلنا، مش معروفي باليونان قبلما وصلت أتينا وباقي الالها. وبحسب فارون، ختار الشعب بين الالهين بو صيدون وأتينا بعمليّة إقتراع شاركو فيا النسوان (وهـ الشي بيدل على اتنو الفينيقيي من جملة ما حطّو من قوانين سياسيي حطو قانون انتخابات أساسا الاقتراع. وهـ الشي من عصر تور- ايل، عصر الالها (يعني من بداية الالف التالت قبل المسيح) وهيك صارت مقاطعة الأتيك من نصيبا.
هيدا وزكرنا علاقة أتينا بهفيستوس الل بتقول الاساطير اليونانيي انا تبنت ابنو إركتيون أو (أركتونيوس) وربّتو. وبيشوفو العلما انو هـ العرقا هي بالأحرى علاقة عمل ونحن من هـ الرأي. يمكن يكون هفيستوس حب اتينا وساهمك معا كمهندس معماري وصناعي بتعمير مدينة أتينا وحكما ع الطريقا اللبنانيي- الفينيقيي. لهيك بأكتر الاوقات خلطو عبادة أتينا مع عبادة هفيستوس وإبنو إريكتي (بـ البرتنون، متلن) وعهيّدو ع شرفن أعياد مشتركي سموا الكاليكيا ومرات خلطو عبادتا بعبادة بو صيدون وزوش- (وسمو معبد أتينا- زوش: بأكروبول أتينا، الهكاتومببتون).
بمدينتا أتينا نرفع ع شرف الالها واحد من أروع الأكروبولات
ونرفع لأتينا بمدينتا، الاكروبول الهوي واحدي من اروع مجموعات هياكل بالعالم. عمّرو بوحي من بريكليس اعظم فنّانين أتينا، الكان ع راسن العمّار أكتينوس والنحات فيدياس. ولهلق بعدو البارتنون التحفي من تحف الاكروبول، حامل أتينا برتناس. وبعدا مجموعة هياكل الاكروبول بتنعدّ من أروع ما طيلع فن العمارا بالعالم. ونرفعت لاتينا ع تلة الاكروبول تماسيل كتيري أشهرا تمسال أتينا بولياس لفيدياس منها أتينا لينديا وأتينا لمنا، وأتينا نيكا (المنتصرا). ومعبدا بالاكروبول الل عمرو كاليكراتيس زغير بس رائع ومعروف بمعبد "فيكتورا ابتير".
وكمان نقام ع شرف أتيننا، بمدينتا أتينا، عياد عديدي أشهرا عياد الباناتيني.
