لفتت رئيسة "الكتلة الشعبية" ميريام سكاف الى أنّ "الصلاة والتأمل لأجل لبنان رفعها البابا فرنسيس لبلد منهار"، واشارت في تصريح لها عبر مواقع التواصل الإجتماعي، إلى أن "الغريب انو السياسيين الي تسببوا بهالانهيار هني كمان مفكرين انو الصلاة الهن وع نيتهن، والبعض عم يتأمل مدري بشو"، "مش مفروض حدا يقلن انو العالم عم بيصليلنا ليخلّصنا منن؟ او باقل تقدير ليوعى المسؤولين عن هالوطن ويقدّروا حجم الجحيم الي عايشين فيه؟".
وتابعت في تصريحها "حدا يقلن انو البابا ما عندو ثقة فيهن وانو الوطن الرسالة فهموه غلط وحوّلوه لرسائل سياسية متبادلة هدفها تحصيل المكاسب، والاغرب انو الدور المسيحي الرائد بلبنان اختصروه بتسمية وزيرين وما عرفوا اهمية وركيزة هالدور المحوري المتشابك مع مسيحيي الشرق، جوهرة الوجود". واشارت هو "يومُ التفكيرِ والصلاةِ من أجلِ لبنان وليس من أجلكم يا زعماء لبنان وقادته".
وختمت تصريحها "نصّلي مع الحبر الأعظم والبطاركة من حاضرة الفاتيكان لتخفيف الألم عن شعب ما عاد عندو الا طلب رحمة الرب وتوقع معجزة للخلاص".
