أدلت عضو تكتل "لبنان القوي" النائبة ندى البستاني، ردا على ما ورد بيان النائب شوقي الدكاش: "ما استغربنا كتابك لرئيس الجمهورية ميشال عون فهو "ما بيخرج عن سياق أداء حزبك ويللي بتنتمي إلو قلبًا وقالبا، أداء مشوّه بتشوبو الغرضية والتوظيف السياسي والتمكّن ببث الكذب وإغراق المجتمع والجماعة بمال الإرتهان والفساد، واللبنانيين، والكسروانيين خصوصًا، ما نسيوا بعد شو عملتو بالإنتخابات وعلى شو راهنتو".
واضاف في تصريح: "كان الأجدى قبل ما تحور وتدور وتتهم، تخبّر أهلنا بكسروان شو عَطَيتون من إنماء ووعود وشعارات فارغة متل الوعد تبع دولار عشرين ألف، فيك تتفضّل وتخبّرنا، وأنت نائب الدورتين، وعضو لجان الاقتصاد والزراعة والسياحة، شو قدّمت من قوانين بتفيدن؟ وين كنتو من خطتنا لإستبدال معمل الذوق بمعمل صديق للبيئة ووقف التلوّث؟ فيك تخبرّن كيف وقّفتوا قانون اللقاء الأرثوذكسي ومشيتوا بمصادرة حريتن وصوتن، بالتمديد بالاقتراحات الفارغة، راضيين بالمال الإنتخابي والرشاوى؟ فيكن تصارحوا أهلنا عن سبب تدهور صحتن نتيجة صفقة النفايات السامة ومئات مطامر السمّ، والشهداء يللي انقتلوا بمياه الحوض الخامس؟".
وتابعت: "فيكن تقنعُوُن بأنكن ما كنتوا جزء من المؤامرة وإجتياح المناطق الحرة؟، فيكن تعترفوا بدوركن بمصادرة ثورة الشرفاء، ببناء جدران الحقد والكراهية؟، فيكن تخبروا بأدواركن بإحباط المشاريع الإنمائية من مرفأ جونية لتوسعة الأوتوستراد؟ بمؤامرتكن لقطع الكهرباء عنن بحجّة السِلف والحفاظ على أموالن، انتو يللي سوّقتوا لدولة المولدات الخاصة والفيول المموِّل لخزائن معراب وقصرها العامر؟، هيك بتردوا الجميل للكسروانيين الأوفياء لفخامة الرئيس والتيار الوطني الحر ويللي أصواتن بالانتخابات كانت صرخة احتجاج رفضا لمشاريعكن التقسيمية وارتهانكن وعمالتكن، هيدا باختصار انتو من هون رح تضل الهوة كبيرة بينكن وبين أهلنا بفعل الهزالة بالشكل والمضمون، وكذبكم هوي وج من وجوهكن. فاتعّظوا واخرجوا من هالمستنقع حرصًا على ما بقي من لبنان يللي منريدو ومنقاتل من أجل بقائه".
