وكمان نعطى اسم كرونوس لمرتفعات عديد. ووصل تأسيرو لجزر بريتانيا- اللي بتحمل اسم ستّو برت (بيروت)- ولجزيرة تولي (349) بالشمال القطبي. وهونيك في جزيرة، في جزيري، بالبحر الادرياتيكي بعدا بتحمل اسم كرونيا. وكان بحر الشمال يتسمّى كرونوس وبعض الأحيان كان اسم البحر الكروني او الساتورني يشمل كل المحيط الاطلسي حامل اسم عتل- اطلس، خي الملك ايل. وهيدي دلايل ساطعا ع انو مملكة ايل متدّت حتى المناطق القطبيي.
وبيأكّد هـ الأمخر وجود تماسيل وقطع نقديّي بمناطق عديدي سافرلا ايل وفتتحا ومدّنا.
- ساتورن الرومان هو كمان ايل- كرونوس
ما نزكر ايل بنصوص اوغاريت بس نزكر بنصوص سنخوني أتن ع إنو هو إيل بالزات، متلما نزكر انو عصرو "هوي العصر الدهبي الاول للناس" و"زمان السعادي اللي مدحوه القدما كلّن".
هـ الشي كانت تعرفو كل شعوب العالم القديم. ونقلوه مأرّخين بصراحا تامّي. وبتروي أساطيرن، متلما قلنا، انو ساتورن إجا من اليونان لإيطاليا لما سار عليه إينو زوش، وعمل روما مديني إلو وتسمّت اراضيا الارض الساتوريني، متلما تسمّى الجبل المحازي إلا جبل ساتورن، ويمكن كان إسما من قبل إيليا، وهي المديني البيقولولنا المأرّخين انو ايل بناها مطرح ما نبنت روما بعدان.
وكانو الناس يقولو "جوبيتر الساتورني" و"جونون الساتورينيّي" وهـ الكلمي يتوازي "الكرونيي" يعني أتباع كرونوس. وبتروي الاشاطير انو ملكرت- هركل (وهوّي متل ما منعرف إبن خيّ الملك ايل وبطل الموجي التمدينيي التانيي بعد موجة عصر تور- ايل، لما وصل لمنطقة البالاتان (أو البلاتين)، خلّي البيلاجيي يعمّرو عند أقدام الكابيتول هيكل لساتورن ضلّ مركز عبادتو هونيك لنهاية العهود الوتنيي. وكانو يحطو فيه أموال الدولي وشعارات الجيش. وبيبين من الآسار الل لتقت انو عبادة ساتورن ما كانت منتشرا بإيطاليا قدّ ما بيقولو بعض المأرخين متل ديونيس الهاليكارناسي، وإنو آسارو قليلي بروما.
بس بالنصوص الأدبييّ، متل نصوص أوفيد بكتابو "الإبّهات"، بتدل ع إنا مشتقا من بنابيع غريبي (أغريقيي وفينيقيي) وانو أقدم أنواع الشعر الروماني اللي بيحمل اسم البيت الساتورني، بينعدّ "همجي" يعني غريب عن روما وأتينا، بالوقت اللي بتكتر المكتوبات والآسار الساتورنيي بأفريقيا الكرتاجيي، وهيدا بيدلّ على جزور ساتورن الفينيقييّ، وع انو ساتورهن بكرتاجا هوّي "إله وطني" مش إله مستورد، وانو مش دايمن كان يندمج بهيليوس وببعل- الملك (مولوك) الكرتاجي.
- إيل كرونوس- ساتورن وصورة الملك- المسالي.
وأهم شي نعرف عن ايل- كرونوس- ساتورن انو كان ملك "أوّل عصر لسعادة الناس" و"أول عصور الأرض الأرض الدهبيي" هك اللي تغنّو فيه الشعرا والفلاسفي. وأجمل شي بحياة إيل كرونوس- ساتورن إنّن صوّرو ملكو "عالم ملان سعادي". وأعياد "الكرونيا" ما هي إلا تزكار للعصر الدهبي اللي عاشتو البشريي ببداية التاريخ "يومة الكانو الناس متساويين"، بحالة ترف وصفا وبحبوحا، ويتمنّو العودي للسعادي الأصليّي.
دراسي مفصّلي لعياد الكرونيا والساتورنال بتفيد إنو ايل كان فعلن ملك العالم القديم بأٍرو. وعدا عن المناطق الشرقيي وخاصّتن حوض المتوسّط الشرقي (فينيقيا، رودوس، الاسكندريا، ميزوبوتاميا، الخ). كانت العياد الكرونيي تتعيّد بكل مناطق الحوض الغربي.
باليونان كانت "الكرونيي" اللي هيي عيد "الإيليبين"، تنقام ع قمّة جبل كرونيون وتزكّر "بإنو كرونوس حكم العالم مع هيليوس" او إنو ايل هوّي هيليوس بالزات. هيك كانت أولمبيا تحتفل هيّي كمان لكرونوس "بعيد تذكار العصر الدهبّي". متلما كانت تعيّدلو كل الجزر اللي فتتحا متل ساموس وصقلّيا وسردينيا... بس عياد كرونوس بـ ايطاليا تسمّت بـ" الساتورنيّات" ووصفا ما كروب بدقّا بـ"كتاب الساتورنيات" ودرسوا عدّة علما وأكدو إنّا "نسخا عن الكرونيّات"، الأمر البتأكدو المقابلي بين هـ العياد بكل بلدان العالم.
كانت العياد الكرونيي تنقام بـ أتينا مرّتين: بـ تموز وبالخريف، بينما كانت روما تعيّد الساتورينات بالخريف وتمدّدن لأول الشتي.
وكانت "الكرونيات" متلما كانت "الساتورنيات" أعياد زراعيي بيرمزو لا بحربي أو بمنجل لكرونوس- ساتورن. كمان كانت تنعدّ "عيد العبقريي المخفيّي بالأعماق". هيّي اللي بتعطي الحياة والخصب للطبيعا، ومتلما عيّدت أتينا لكرونوس، ملك العصر الدهبي، كمان عيدت روما لساتورن ملك اللاتيوم اللي كانت مدييو نتلو بعصر سلام وهنا سعادي.
وصار العيد صورا مساليّي لهـ الملك بتشمل كل خيراتو وبتشدّد ع طلب التمنيات لرجوعو. وخلال الاحتفال بعياد الساتورينات كانو النبلا والعبيد يعيّدو سوا. النبلا يخدمو عبيدن ويكرّمون، والعبيد ينتقدو أسيادن، هيدا تيزكرو انو الناس كانو متساويين بايام ايل- كرونوس- ساتورن. وهيدا اللي سماه هوراس "حرية ديسمبر". وتتكون الأفراح كاملي كانت ترافق الأعياد عطلي عامّي بالداخل والخارج: للتلاميز والمعلمين، والقضاة... وإستراحا للمحاربين برّات البلاد. وكان يتميّز العيد بطابع السلام والمحبّي. بس بعهود الانحطاط رافقت هـ العياد حفلات صراعيّي (صراع الكلادياتور).
