هفيستوس تفسيرو بالفينيقيي: الفاتح هكفت أو اجبت
بس نحن صرنا نعرف، من جها، انو كلمة هفيستوس لازم ترجع لـ الكلمي الفينيقيي هـ فتح يعني الفاتح (الهـ بالفينيقي اداتة تعريف). ولهيك لقبو فيا اكتر من فاتح، منن تور وأسكولاب وبروميتي. بس شتهر بهـ اللقب فولكانوس- هفيستوس الل كان من أشهر الفاتحين، خصوصن اللي فتحو مصروالل رح يتلقبّو اتباعن بالاجبتيين ومعرف من جها تاني، انو كلمة فولكانوس بتنردّ لـ قول- كاين او هاين، الكلمي الفينيقيي الل قلنا انو معناتا الصنايعي الماهر. ومعروف انو كلمة هفيستوس الرح تنلفظ فتاح، وهكفت، وبعدين اجبت، وتصير كنيي للمصاروي (ع طول الازمني رح يسمون اجبسيان)، كانت بالاول لقب المنبلا الفينيقيي الل فتحو العالم ومدنوه، وخصوصن للفينيقيي الفتحو مصر.
والفاتحان كمان نعرفو بالـ هفيستات. وبيأكد هـ الشي انو الالها من الالهات كانت مرات تحمل لقب هفيستا او هفيستيا منن مي او مايا ام مصر او تور- هرمس الابن ومرت تور- هرمس الاول الل نعطى اسما للام وللمى ولشهر ايار (مي)، والل كانو مرات يسموا بصلاتن مايا- فولكانا او هفيستا. وبما انا كانت ربة شهر ايار (مي)، كانو يقدمولا الزبايح بأول ايار يوم عيد الـ "فلامن فولكانوس".
كمان عتبرو ريا (سميراميس)، اخت الملك ايل الجبيلي من الهفيستات. ولهيك عبدوا هيي وفولكان هفيستوس تحت اسم ريا- اوبس، وكانو يقدمولا الضحايا بـ 23 آب يوم "الفولكاناليا". ومن جها تاني، عتبرو ريا "الكبيري" متلما قلنا، مرتو لـ هفيستوس. ونزكر هوي انو "الكبيرات" هو لقب للالهات متلما "الكبيريم" لقب للآلها.
ونعرفت عشتروت بـ الهفيستا ع عتبارو انا كانت مرتو لـ هفيستوس- فولكان، و"الكبيري كتير" أو "كبيرة الكبيرات". بس اشهر الهفيستات بالتأكيد بتضل أتينا- عنت. ولانا نشهرت باسم اتينا- هفيستيا متلما قلنا، قالو اعنا انو كنلا علاقة حب هفيستوس.
هلق صارو يعرفو العلما المدققين انو كلمة "الكبيريم" كانت متل كلمة "الفاتحين" او "الهفستين" لقب من القاب نبلا او "الهفستيين" لقب من القاب نبلا فينيقيا. وبعدا هـ الكلمات بلغاتنا الشرقيي الا نفس المعنى.
بعد هـ الشرح صرنا نعرف ليش تلقّبو بلقب هفيستوس الالها الكبار وبمقدمتن ايل، ومنن هفيستو- فولكان. بس كون اسم هفيستوس فولكان ندمج بالنار، وعتبرو هـ البطل المأله اله المواد الناريي وسيد البراكين الل تسمت باسمو، شي هين شرحو : من جها لانو اسمو نعطى للنار والعكس مش صحيح، ومن جها لانو كان اول مين ستعمل للنار، متلما مبيّن، لتدويب المعادن، الشي الل تفقت عليه كل النصوص القديمي، وبأولا، متلما شفنا، نصوص أوغاريت.
هفيستوس والسكالبي المعدّنين، اول معمرجيي وصناعيي بالعالم.
بالوقت البيشوفو أغلب العلما انو ما بيسوى نخلط بين هفيستوس وآلها تانيي، متل هيليوس وتيفون وتور... بيشوفو كتار منن انو في علاقا وسيقا بينو وبين السكالبي. مين هني السكالبي؟ بـ دراسي عنن، قلنا انو القدما وصفون بأنن عمالقا بعين واحدي موجودي بوسط وجن.
وفسر المأرخ بيار- ماري مارتن هـ التسميي، ع لسان مأرخين كتار، منن راوول روشات، بانو هـ الكلمي كانت بالاول نعت لعمال المناجم أو من استعمالن ضو من حديد يحطوه ع جبينن، او من عادة الوشم المشهورا بالشعوب الاسيويي وشعوب العالم الجديد بعصر التمدن.
وبيزيد مارتن، نقلن عن روشات وعن أوريبيد، انو هو من راي روشات بتسماية العمال الكنعانيي بهـ الاسم. وبأنو السكاليبي محسوبين ع العموم عمال فينيقيي مشهدلن بـ تدويب المعادن ونحت الحجار وبتجوّلن الدايم لعمار المدن. واكدو القدما هـ الفول وسبّتوانوالسكالبي كانو "بينو ع الطريقا الفينيقيي وبنفس النمط".
ومعروف عن السكالبي انن جبابرا من سلالة شميم- أورانوس وغايا- الارض. وبتحكي عنن الاوديسي كمعماريين وبيوصفون القدما بانن عمالقا بعين واحدي. واشهرن برونتيس وستيروبيس وارجيس. والمعروف عنن انن سلحو الالها عطيو البرق الرعد والزاعقا لزوش (ابعل) متلما عطو هادس (موت) خوزي بتصيرو ما ينشاف، وبو صيدون شوكي (تريدان).
وهـ الشي هو الخلي الآلها ينتصرو ع رفقاتن الطياطين. وصرنا نعرف انو هـ الحرب لمشهورا باسم "الجيغانتوماشي" ما هي، متلما قلنا، الا الحرب الل بتحكيا بالتفصيل "ملحمة البعل وعنت" الاوغاريتيي، والل ساعد فيا هفيستوس البعل وعملو سلاح خلاه يغلب خصمو.
وبصورا عامي، بينقال عن السكالبي انن اول صناعيي وعمال معادن بالعالم. وكانو يشتغلو بادارة هفيستوس. وكانو القدما يظنو انن عايشين بالمغاور وبـ قلب الارض، وانو صوت مطرقتن هو اللي بيسمعوه من قلب البراكين، بينما بتطلع نار مصانعن من راسا، وخصوصن من قمم الاتنا وفولكانوس.
السكالبي دشنو البنا بالحجار العملاقا وعطو اسمن للبنا السيكلوبي.
وكانو ينسبو لـ السيكلوبيين- الل باغلب الاوقات خلطون بالساتير الرح نحكي عنن بنيان كل المنشئات العمرانيي بالعالم القديم متل اليونان وصقليا وخصوصن المباني الكانت تتعمر بالحجار الكبيري والل بتبين كإنا فوق قدرة البشر.
وواضح انو الشعب الوحيد الل ستخدم الحجار الضخمي بـ العمار هوي الشعب اللبناين- الفينيقي. وانو اعظم البراهين ع منشآتو هيي هياكل بعلبك. وقلنا الاركيولوجي كالايان الل عميرمم بعبلبك: "مطرح ما بتشوفو عمار بالحجار الضخمي ن كان باليونان: بـ ميسين وارغوس وتيرنت... او بـ صقليا وحتى بروما وبغيرا من البلدان، تأكدو انو الفينيقيي مرقو من هونيك وعمروه".
