الرئيس عون: اعزائي كلمتي لكم اليوم في ساحات الإعتصام أو في منازلكم. لامشهد يؤكد أن الشعب اللبناني حي قادر على لاإنتفاض وإيصال صوته وأن الحريات في بلنان بألف خير، لكن هذا المشهدج لم يكن يجب أن يحصل وصرختكم كانت يجب أن تكون صؤرخة فرح وليس وجع
13:25
الرئيس عون: نحن شعب ناجح لكن الطائفية حطمتنا والفساد نخرنا الى العظم. أقسمت اليمين للحفاظ على لبنان وبمحاربة افساد، نقلت لبنان الى ضفة الأمان وبقي الهم الإقتصادي والمالي وطموحي التخلص من الذهنية الطائفية التي تحكمت بالبلد وهي أساس كل المشاكل، لنصل الى دولة مكدنية يتساوى فيها المواطنون أمام القانون ويصل كل صاحب كفاءة الى المنصب الذي يستحقه، واللامركزية الادارةي التي تؤمن الخدمت بشكل أرع.
13:26
الرئيس عون: الرئيس بعد الطائف بحاجة لتعاون الجميع لتحقيق خطط لعمل ويوفي بالوعود التي قطعها أمام الشعب. لا أقول هذا لأرمي المسؤولية، أنا رئيس ومسؤول ولم أترك وسيلة لم أستخدمها لتحقيق الإصلاح لكن العراقيل كثيرة والمصلح الشخصية تتحكم، وكثر اعتبروا أن اشلعب ليس ليديه كلمة ليقولها وأن اشلعب سيبقي ساكتا
13:28
الرئيس عون: بدكن ترجّعو الاموال المنهوبة؟ اكيد ضروري ترجع، وأنا يلِّي عم طالب إنّا ترجع، وأنا يلِّي قدّمت قانون حتى ترجع، ولليوم صار مبيّن مليارات من الموازنات السابقة عم يتدقق فيها بديوان المحاسبة
13:28
الرئيس عون: كل يلي سرق المال العام لازم يتحاسب بس المهم طايفتو ما تدافع عنو عالعمياني. الحرامي ما الو طايفة وما بمثّـل أي دين..خلينا نكشف كل حسابات المسؤولين ونترك القضاء يحاسب. السياسي بيشرّع وبيراقب أما المحاسبة بتكون من خلال القضاء يلي عيّنا إلو رؤساء من خيرة القضاة، جديرين بالثقة
13:29
الرئيس عون: أنا ملتزم اقرار قوانين مكافحة الفساد، بس هيدي صلاحية مجلس النواب وأنا بطلب مساعدتكن لأقرارها، ومتل ما قلت للقضاة بعد تعيينهن، وأكرر اليوم: أنا سقف الحماية للقضاء، وإذا في حدا بيتدّخل معكن حوّلوه عليي
13:30
الرئيس عون: من موقع مسؤوليتي كرئيس للجمهورية، بأكد انو الورقة الاصلاحية يلّي انعملت، رح تكون الخطوة الاولى لإنقاذ لبنان وإبعاد شبح الانهيار المالي والاقتصادي عنو، وهيدي كانت أول انجاز إلكن لأنكن ساعدتو بإزالة العراقيل من قدامها وأُقرَّت بسرعة قياسية بس لازم تتواكب بمجموعة تشريعات
13:31
الرئيس عون: في بمجلس النواب اقتراحات قوانين، لازم تنقرّ وبأقرب وقت: انشاء محكمة خاصة بالجرائم على المال العام، استرداد الأموال المنهوبة، رفع الحصانة ورفع السرية المصرفية عن الرؤساء والوزراء والنواب وكل من يتعاطى بالمال العام، الحاليين والسابقين
13:31
الرئيس عون: لأن الإصلاح هو عمل سياسي بامتياز، صار من الضروري إعادة النظر بالواقع الحكومي الحالي حتى تتمكن السلطة التنفيذية من متابعة مسؤولياتها، وطبعاً من خلال الأصول الدستورية المعمول فيها
13:34
الرئيس عون: صرختكن ما رح تروح ضيعان متل كل الصرخات يلي عبت الساحات قبل منكن ورجّعت الحرية والسيادة والاستقلال للبنان.. حرية التعبير هي حق محترم ومحفوظ لكل الناس بس كمان حرية التنقّل هي حق لكل المواطنين ومفروض يكون محترم ومأمّن
13:34
الرئيس عون: بدعيكن كلكن، تكونوا المراقبين لتنفيذ الاصلاحات، الساحات عَلى طول مفتوحة لإلكن، اذا صار في أي تأخير، او مماطلة.. وانا من موقعي، رح كون الضمانة، رح صارحكن بكل شي عم بصير، ورح قوم بكل جهدي لتحقيق الاصلاح
13:34
الرئيس عون: سمعت كتير دعوات بتدعي لإسقاط النظام.. النظام يا شباب ما بيتغيّر بالساحات، صحيح نظامنا صار بدّو تطوير لأنو صرلو سنين مشلول ومش عم يقدر يطوّر حالو، ولكن هالشي ما بيصير إلا من خلال المؤسسات الدستورية
13:34
الرئيس عون: دعوتي للمعتصمين والمتظاهرين: أنا حاضر التقي ممثلين عنكن بيحملو هواجسكن ويحددوا مطاليبكن وإنتو تسمعو منا عن مخاوفنا من الانهيار الاقتصادي وشو لازم نعمل سوا حتى نحقق أهدافكن من دون ما نسبب الانهيار ونفتح حوار بنّاء يوصل لنتيجة، فالحوار هو دايماً الطريق الأسلم للإنقاذ، وانا ناطركن
